拍廣告啫，我想㗎？為咗揾錢，唔少代言人揾食變硬食；但子華神為foodpanda拍嘅哩齣「揾食啫」廣告，單是這三隻字，都有堅持。
「一開始，子華對於提『揾食啫』哩句話有保留。」廣告公司Curious Few如是說。
「因為佢唔想大家再誤會呢句說話嘅用意，同時希望有新嘅構思，而非簡單重提以前嘅金句。但後來傾過之後，了解到用『揾食』為題並唔係想『炒冷飯』，廣告主旨其實係想大家反思揾食以外嘅人生意義，覺得品牌align到佢嘅理念，就一拍即合了。」
邀請子華代言，係foodpanda的idea；字字鏗鏘的旁白，亦係foodpanda同Curious Few一齊度出來的成果。一個面向香港人的品牌，自然明白「揾食啫」背後，係冇得揀的辛酸。所以foodpanda透過講親情、友情、愛情同自己，提醒香港人唔好因為「揾食」，忽略吃喝以外的生活質素、工作以外的人生態度。生活食之無味，可能因為冇畀足夠的選擇自己。
創作總監Fenris話：「生活化啲咁諗，上網買棵菜其實可以換嚟同屋企人煮個飯嘅機會；嗌派對食品可以隨時約朋友聚一聚。foodpanda除咗幫你揾嘢食，又真係可以幫到你揾吓揾食以外嘅人生。從香港人生活角度出發，希望令end benefit更生活化，更貼地。」
貼地，除咗係廣告嘅主要方向，更係foodpanda嘅core value，透過創意，融入生活。而貼地，唔係揾個香港明星鋪天蓋地做場戲；高明的貼地，可以用一句line、幾隻字，就令觀眾喺廣告中，揾到自己。
例如廣告由第一鏡的電影獎項圖標諷刺香港打工文化，到片尾closing credits 特別鳴謝香港人，誠意在細節，簡單幾隻字，窩心入骨。
能夠從外賣看出人生觀，係品牌嘅視野。能夠將人人都明、但唔係個個都能實踐嘅道理，深入淺出與香港人共鳴，就係創作嘅功力。
哩齣片，點止廣告咁簡單。
#foodpanda
#特約壹句
Search